தமிழ் முஸ்லிம் அரசியல் மேடை

மார்ச் 6, 2007

TMMK மீதான தென்காசி தாக்குதல் முழு விபரம்

Filed under: crime, Riyadh TMMK, rss assault, Thenkasi — முஸ்லிம் @ 7:32 பிப

நெல்லை மாவட்ட த.மு.மு.க. தலைவர் மீது கொலைவெறித் தாக்குதல்! படுகாயத்துடன் உயிர் தப்பினார்!


மார்ச் 2ஆம் தேதி மாலை நேரம்! தமுமுக தலைமையகம் பரபரப்பாக இயங்கிக் கொண்டிருக்கிறது. டெல்­ பேரணி குறித்த தெருமுனைப் பிரச்சாரங்களும் அப்போதுதான் முடிந்திருந்தன.

தமிழகத்தின் பல்வேறு பகுதிகளி­ருந்து இரண்டாவது நாளாக மக்கள் டெல்­ பேரணிக்கு புறப்பட்டுக் கொண்டிருந்தனர்!

அப்போதுதான் அச்செய்தி எதிர்பாராத வண்ணம் சுமார் 8:30 மணியளவில் தலைமையகத்திற்கு கிடைத்தது.

இரவு 8 மணியளவில் தென்காசியில் நெல்லை மாவட்டத் தலைவர் மைதீன் சேட்கானை சிலர் சரமாரியாக வெட்டித் தள்ளியதாகவும், அவர் உயிருக்குப் போராடுவதாகவும் அந்த தொலைபேசி செய்தி பதறியது.

உடனடியாக தமுமுக தலைவர் எம்.ஹெச்.ஜவாஹிருல்லாஹ் இச்செய்தியை உறுதிபடுத்திக் கொண்டார். நெல்லை மாவட்டச் செயலாளர் பகத்சிங் முஹம்மது வும் தொலைபேசியில் நடந்த விவரங்களை கூறினார்.

சம்பவம் நடந்தது எப்படி?

டெல்­ பேரணி குறித்த ஏற்பாடுகளையும் பயண ஆயத்த வேலைகளையும் ஒருங்கிணைத்துக் கொண்டிருந்த மைதீன் சேட்கான், தனக்கிருந்த அச்சுறுத்தலை யும் பொருட்படுத்தாமல் தனியாகவே சுற்றி வந்திருக்கிறார்.

இந்நிலையில்தான் சேட்கான் அவர்கள் அம்மன் சன்னதி தெருவில் செல்லப்பா உணவகத்திற்கருகே மோட்டார் சைக்கிளில் வந்தபோது அவரை வழி மறித்து, ‘டெல்­க் காடா போறீங்க.. எப்படிப் போறீங்கன்னு… பார்ப்போம்டா…’ என வெறிக் கூச்சல் எழுப்பியபடியே சரமாரியாக அரிவாளால் வெட்டினார்கள். அவர் சுதாரிப்பதற்குள் 9 வெட்டு களில் ரத்த வெள்ளத்தில் துடிதுடித்தார் சேட்கான்!

கோழைகள் அப்போதும்கூட சேட்கானுடன் நேருக்கு நேராக நிற்காமல் அவரது முதுகில்தான் முதல் தாக்குதலை நடத்தியுள்ளனர்! அப்போது மணி சரியாக 8.05.

மூன்று பேர் கொண்ட கும்பல்தான் இத்தாக்குதலை நடத்தியதாகக் கூறப்படுகிறது. மோட்டார் பைக்கில் வந்தவரை திடீரென குறுக்கே சைக்கிளை நிறுத்தி, இன்னொரு மோட்டார் சைக்கிளில் வந்து தாக்கியதாகவும் கூறப்படுகிறது.

இத்தாக்குதல் பற்றிக் கூறிய நகர நிர்வாகி நெய்னா, பலமான வெட்டுகளுடன் தற்காப்புக்காக சேட்கான் அருகிலிருந்த செல்லப்பா ஹோட்டலுக்குள் நுழைந் திருக்கிறார். அங்கிருந்தவர்கள் பதற்றத்துடன் உடனடியாக கூடிவிட வன்முறைக் கும்பல் ஓடிவிட்டது.

சில நூறு அடி தூரத்தில் எதேச்சையாக நின்று கொண்டிருந்த சாதிக், மசூது உள்ளிட்ட தமுமுகவினர், விபரம் புரியாமல் அங்கு ஓடிவர அப்போதுதான் தாக்கப்பட்டது சேட்கான் எனத் தெரிய வந்திருக்கிறது.

உடனடியாக ஆம்புலென்ஸில் சேட்கானை ஏற்ற, பின்னால் பாதுகாப்பிற்கு ஒரு காரில் தமுமுகவினர் தொடர, மின்னல் வேகத்தில் ஆம்புலென்ஸ் நெல்லை அரசு மருத்துவமனையை நோக்கி விரைந்தது. ஆம்புலென்ஸ் வாகனம் புறப்படும்போதே ‘நடுபல்க்’ என்ற இடத்தில் நின்று கொண்டு, சங்பரிவார தீவிரவாதிகள் ஆம்பு லென்ஸ் மீது கற்களை எறிந்துள்ளனர்!

மக்கள் கொந்தளிப்பு!

அதற்குள் தீயாய் செய்தி பரவ, தென்காசி பொதுமக்கள் கொந்தளித்து வீடுகளை விட்டு வீதியில் குழுமத் தொடங்கினர். சிலர் பேருந்துகளை உடைக்க.. நிலைமை விபரீதமானது. உடனடியாக தமுமுகவின் நகரச் செயலாளர் நெய்னா, வர்த்தகரணி சாதிக், ஆட்டோ சங்கத் தலைவர் பீர், தொழிலாளரணி மசூது ஆகியோர் பொது மக்களை கலைந்து போகச் கூறினர். கூட்டம் ஆவேசத்தில் கூச்ச­ட, அங்கு வந்த மாவட்ட எஸ்.பி. செந்தாமரைக் கண்ணன் அவர்கள், பொதுமக்களிடம் பேசி அமைதி காக்குமாறும், குற்றவாளி கள் விரைந்து பிடிக்கப்படுவார்கள் என்றும் உறுதியளித்தார்.

அதன் பின்னர் நள்ளிரவுக்குப் பிறகு தென்காசியில் நிலைமை கட்டுக்குள் வந்தது. எனினும் மாவட்டத்தின் பல்வேறு பகுதிகளிலும் செய்தி பரவ, கோப உணர்ச்சிகள் இயல்பாகவே வெளிப் பட்டன. ஆங்காங்கே தமுமுகவினர் மக்களை அமைதிக் காக்குமாறு கேட்டுக் கொண்டனர்.

தயார் நிலை!

மறுபுறம் ஆம்புலென்ஸ் வாகனம் 40 நிமிடத்தில் சீறிக் கொண்டு அரசு மருத்துவ மனையை வந்தடைந்தது. ஏற்கெனவே மருத்துவமனையில் அனைத்து வசதிகளும் தயார் நிலையில் வைக்கப்பட்டிருந்ததால், உடனடியாக சேட்கான் அவசர சிகிக்சைப் பிரிவில் சேர்க்கப்பட்டார். அதற்குள் பொதுமக்கள் நூற்றுக்கணக்கில் மருத்துவமனை வளாகத்தில் குழுமினர். மேலப்பாளையம், பாளையங்கோட்டை, தாழையூத்து பகுதிகளி­ருந்து தமுமுகவினரும் விரைந்து வந்தனர். போலீஸ் கமிஷனர் அசோக்குமார்தாசும், மாவட்ட கலெக்டரும் மருத்துவமனைக்கு வந்து அனைத்து பணிகளையும் துரிதப்படுத்தினர்!

நள்ளிரவு ஆறு மருத்துவர்கள் அடங்கிய குழு ஒன்று அவசர சிகிக்சையளித்தது. இறைவனின் பெரும் கிருபை யால் அபாயக் கட்டத்தைத் தாண்டி, சேட்கான் உயிர் பிழைத்து விட்டார்! அதன் பிறகே மருத்துவமனை வளாகத்தில் நிம்மதிப் பெருமூச்சு விட்டனர் பொதுமக்கள்!

மாநிலச் செயலாளர் கோவை உமர், மாநில துணைச் செயலாளர் சாதிக் அலி ஆகியோர் கோவையிலிருந்து உடனடியாக சம்பவ இடத்திற்கு நேரில் சென்று நிலைமையைக் கண்காணித்து மக்களை அமைதிப்படுத்தினர்.

காவல்துறை உண்மைக் குற்றவாளிகளை கண்டுபிடித்து அவர்கள் மீது கடுமை யான நடவடிக்கை எடுக்க வேண்டும் என மக்கள் காத்திருக்கின்றனர்.

தென்காசியில் தமுமுக மாவட்டத் தலைவர் மைதீன் சேட்கான் மீது தொடுக்கப் பட்ட கொலைவெறித் தாக்குதலை தமுமுக தலைவர் பேராசிரியர் எம்.ஹெச். ஜவாஹிருல்லாஹ் வன்மையாகக் கண்டித்து அறிக்கை வெளியிட்டுள்ளார்.

மீண்டும் வருவார்!

ஃபாஸிஸத்தின் கோரக் கரங்கள் சேட்கானை குதறியிருக்கின்றன. தமுமுக தொண்டன் என்றுமே கோழையாக வீழ மாட்டான். இந்த சமுதாயத்திற்காக ரத்தம் சிந்துவதற்கும், உயிர் துறப்பதற்கும் அவனே முன்வரிசையில் நெஞ்சை நிமிர்த்தி நிற்பான்.

இதுவரை சேட்கான் நெல்லை மாவட்டத் தமுமுக தலைவராக மட்டுமே வலம் வந்தார்! இனி ஒட்டுமொத்த நெல்லை மாவட்ட மக்களின் தளபதியாக மீண்டும் களமிறங்குவார்! இன்ஷா அல்லாஹ்!

நன்றி : தமுமுக இனையத் தளம்

பிப்ரவரி 17, 2007

சென்னை ஏர்போர்ட் கிரைம்ஸ் உஷார்!!

சென்னை:கோவையில் இருந்து வந்து டில்லி செல்வதற்காக சென்னை விமான நிலையத்தில் தங்கியிருந்தவரிடம் ரூ.60 ஆயிரம் ரொக்கம் திருடப்பட்டுள்ளது. இது குறித்த புகாரின் மீது போலீசார் விசாரணை நடத்த விமான நிலைய ஊழியர்கள் எதிர்ப்பு தெரிவித்ததால், விமான நிலைய அதிகாரிகள் புகாரை வாபஸ் பெற்றுக் கொண்டனர்.

ரயில்வே ஸ்டேஷன், பஸ் ஸ்டாண்ட் போன்ற பொதுமக்கள் அதிகமாக கூடும் இடங்களில் “பிக்பாக்கெட்’டுகள் உலாவுவது போல சென்னை விமான நிலையத்திலும் தற்போது திருடர்களின் நடமாட்டம் அதிகரித்துள்ளது.

குறிப்பாக துபாய், லண்டன் ஆகிய இடங்களில் இருந்து விமானம் மூலம் சென்னை வரும் பயணிகளின் பல லட்சம் ரூபாய் மதிப்புள்ள பொருட்களை குறி வைத்து கொள்ளையடிக்கப்பட்டு வருகின்றன.

சில வாரங்களுக்கு முன்பு விமான நிலையத்தில் ஒப்பந்த அடிப்படையில் வேலை பார்த்து வந்த தனியார் நிறுவன ஊழியர்கள் ஏழு பேர் கைது செய்யப்பட்டனர். அவர்களிடம் இருந்து திருடு போன பொருட்களும் மீட்கப்பட்டன. இதைத் தொடர்ந்து நடிகை கஸ்துõரியின் ஒரு லட்சம் ரூபாய் மதிப்புள்ள நகை, ரொக்கம் ஆகியவை கொண்ட கைப்பை மாயமானது. இது தொடர்பாகவும் வழக்கு பதியப்பட்டு விசாரணை நடந்து வருகிறது.

நேற்று முன்தினம் இரவு சென்னை விமான நிலையத்தின் அங்கீகரிக்கப்பட்ட தங்கும் விடுதியில் தங்கியிருந்த ஒரு பயணியின் ரூ.60 ஆயிரம் திருடப்பட்டுள்ளது. கோவையைச் சேர்ந்தவர் ராமகிருஷ்ணன் (45). இவர் டில்லி செல்வதற்காக நேற்று முன்தினம் இரவு கோவையில் இருந்து விமானம் மூலம் சென்னை வந்து சேர்ந்தார். டில்லி செல்லும் கடைசி விமானமும் சென்றுவிட்டதால், விமான நிலையத்தில் பயணிகள் தங்குவதற்காக “லிங்க் பில்டிங்’கில் அமைக்கப்பட்டுள்ள தங்கும் அறையில் தங்கினார். அங்கு தனது உடமைகளை வைத்துவிட்டு, அறையை பூட்டிக் கொண்டு அருகில் உள்ள ஓட்டலுக்கு சாப்பிடச் சென்றார்.பின்னர் திரும்ப வந்து பார்த்த போது அறையின் கதவு உடைக்கப்பட்டிருந்தது. உள்ளே வைத்திருந்த சூட்கேசும் திறக்கப்பட்டு, அதில் இருந்த ரூ. 60 ஆயிரம் ரொக்கம் திருடு போயிருந்தது.

இதனால், அதிர்ச்சியடைந்த ராமகிருஷ்ணன், இந்த சம்பவம் குறித்து உடனடியாக விமான நிலைய மேலாளர் ஸ்ரீவத்சவாவிடம் புகார் கொடுத்தார். இந்த புகாரை விமான நிலைய போலீசாருக்கு மேலாளர் பரிந்துரை செய்து அனுப்பினார். புகாரை பெற்ற விமான நிலைய போலீசார் விசாரணை நடத்துவதற்காக விமான நிலைய ஆணைய கட்டுப்பாட்டில் இருக்கும் “லிங்க் பில்டிங்’ பயணிகள் தங்கும் விடுதிக்கு சென்றனர்.

ஆனால், விமான நிலையத்திற்குள் போலீசார் நுழைந்து, திருட்டு சம்பவம் குறித்து விசாரிக்கக் கூடாது என்று சில ஊழியர்கள் எதிர்ப்பு தெரிவித்தனர். அதோடு, இது குறித்து அந்த ஊழியர்கள் தங்கள் மேலதிகாரிகளுடனும் பேச்சுவார்த்தை நடத்தினர். மீறி போலீசார் உள்ளே நுழைந்து விசாரணை நடத்தினால் வேலை நிறுத்தத்தில் ஈடுபடப் போவதாக எச்சரித்தனர். இதையடுத்து, விமான நிலைய ஆணையத்தின் சார்பில் விமான நிலைய போலீசாரிடம் கொடுக்கப்பட்ட புகார் வாபஸ் பெறப்பட்டது. பணம் திருடு போனதாக விமான நிலைய மேலாளரிடம் புகார் கொடுத்த ராமகிருஷ்ணன் நேற்று காலை புறப்பட்ட விமானத்தில் டில்லி சென்று விட்டார். அவர் வந்த பின்னர் நடந்த சம்பவம் குறித்து அவரிடம் விசாரிக்க விமான நிலைய அதிகாரிகளும், ஊழியர்களும் முடிவு செய்துள்ளதாக கூறப்படுகிறது.

மேலும் பலர் சிக்குகின்றனர்!:துபாய், லண்டன் ஆகிய இடங்களில் இருந்து சென்னை வரும் பயணிகளின் பெட்டிகளை உடைத்து, அவற்றில் உள்ள நகை, ரொக்கம், விலை உயர்ந்த எலக்ட்ரானிக் பொருட்களை திருடும் கும்பல் ஒன்று சமீபத்தில் சிக்கியது. இவர்களிடம் நடத்திய விசாரணையில் இதுபோல பலர் விமான நிலையத்தில் உள்ளே நடமாடிக் கொண்டிருப்பது தெரிய வந்துள்ளது. இந்த வகையில் லண்டனில் இருந்து வந்த பெண் பயணி ஒருவரின் மூன்றரை லட்ச ரூபாய் மதிப்பிலான நகைகளை திருடிய ஒரு கும்பல் போலீசாரிடம் சிக்கியுள்ளது. இந்த கும்பலிடம் நடத்திய விசாரணையில் பல திடுக்கிடும் தகவல்கள் கிடைத்துள்ளன. விரைவில் சென்னை விமான நிலையத்தில் நடமாடும் அனைத்து திருடர்களும் சிக்குவர் என்று எதிர்பார்க்கப்படுகிறது.

Thanks :

வேர்ட்பிரஸ்.காம் இல் வலைப்பதிவு.